Take a fresh look at your lifestyle.

चांगलं मायलेज देणारी टू व्हीलर शोधताय? Hero Splendor सह हे ८ पर्याय पाहा, तब्बल इतकं मायलेज मिळेल

ओटीटी न्यूज नेटवर्क

मुंबई – टू व्हीलर खरेदी करताना हल्ली सर्वात आधी कुठल्या गोष्टीचा विचार केला जातो तर तो म्हणजे मायलजेचा. त्याला देशातली सध्याची परिस्थिती जबाबदार आहे. संपूर्ण भारतात पेट्रोलच्या किंमतीत नियंत्रणाबाहेर जाऊ लागल्या आहेत. देशातल्या अनेक भागात पेट्रोल ११० रुपयांपेक्षा अधिक किंमतीत विकलं जात आहे.

मुंबईत तर पेट्रोलने १२० रुपयांची सीमा ओलांडली आहे. पेट्रोलवरचा खर्च वाढल्या अनेक कुटुंबांचं आर्थिक गणित बिघडलं आहे. अशा परिस्थितीत तुम्ही जर नवीन टू व्हीलर खरेदीचा विचार करत असाल तर तुम्ही चांगलं मायलेज देणारी बाइक निवडायला हवी.

जेणेकरुन पेट्रोलवर खर्च होणारे काही पैसे वाचवू शकाल. जर तुम्हाला चांगलं मायलेज देणारी बाइक शोधणं अवघड जात असेल तर यामध्ये आम्ही तुमची मदत करु शकतो. कारण आज आम्ही तुमच्यासाठी चांगलं मायलेज देणाऱ्या टॉप ८ बाइक्स, स्कूटर्स आणि मोपेड्सची यादी घेऊन आलो आहोत. कम्युटर बाइक सेगमेंटमध्ये हिरो मोटोकॉर्पचं (Hero MotoCorp) वर्चस्व आहे. कंपनीला बजाज ऑटो आणि टीव्हीएस मोटर कंपनीची जोरदार टक्कर मिळते. या कंपन्या चांगलं मायलेज देणाऱ्या टू व्हीलर्स विकतात. त्यामुळे आज आम्ही तुम्हाला हिरो स्प्लेंडर, हिरो एचएफ डिलक्स, बजाज सीटी १००, टीव्हीएस स्कूटी पेप यांसारख्या बाइक्स, स्कूटरच्या किंमती आणि मायलेजची माहिती देऊ.

​हिरो स्प्लेंडर आणि एचएफ डिलक्स सर्वोत्तम

१०० सीसी सेगमेंटमधील सर्वोत्तम बाइक म्हणून हिरो स्प्लेंडर गौरवण्यात आली आहे. या बाइकची एक्स शोरुम किंमत ६९ ते ७१ हजार रुपयांच्या दरम्यान आहे. ही बाईक ८१ किमी प्रति लीटर इतकं मायलेज देते. हिरो मोटोकॉर्पच्या या बाइकची भारतात सर्वाधिक विक्री झाली आहे. हिरो एचएफ डिलक्स (Hero HF Deluxe) ही स्प्लेंडर नंतरची दुसरी उत्तम कम्युटर सेगमेंट बाइक आहे. विशेष म्हणजे ही बाइक ५७ हजार रुपये ते ६५ हजार रुपयांच्या सेगमेंटमध्ये येते. ही बाइक ८२ किमी प्रति लीटर इतकं मायलेज देते. ही बाइकदेखील विक्रीच्या बाबतीत देशातल्या टॉप बाइक्सच्या यादीत समाविष्ट आहे. यात अनेक चांगले फीचर्सदेखील मिळतील.

टीव्हीएस आणि बजाजच्या बेस्ट मायलेज बाइक आणि स्कूटर्स

बजाज ऑटो कंपनीची बजाज प्लॅटिना १०० ही बाइक स्प्लेंडरची प्रतिस्पर्धी आहे. ही बाइकदेखील उत्तम मायलेज देते. दिल्लीत या बाइकची एक्स शोरूम किंमत ५९ हजार रुपयांपासून सुरू होते. यात १०२ सीसी क्षमतेचं इंजिन दिलं आहे. जे ७.९ बीएचपीची पॉवर आणि ८.३ एनएमचे पीक टॉर्क जनरेट करण्यास सक्षम आहे. कंपनीने केलेल्या दाव्यानुसार ही बाइक ९६ किमी पर्यंतचं मायलेज देते. तसेच टीव्हीएस कंपनीकडेदेखील चांगले पर्याय आहेत. TVS कडे १०० सीसी टू व्हीलर सेगमेंटमध्ये TVS स्कूटी पेप प्लसला ग्राहकांची चांगली पसंती मिळत आहे. या स्कूटरची एक्स शोरुम किंमत ६० हजार रुपये ते ६४ हजार रुपयांच्या दरम्यान आहे.

बजाज सीटी १०० आणि एक्सएल १०० चा ग्राहकांची पसंती

बजाज ऑटो कंपनीची बजाज सीटी १०० (Bajaj CT 100) ही बाइकसुद्धा बाजारात पाय रोवून उभी आहे. तसेच ही जास्त मायलेज देणाऱ्या बाइक्सपैकी एक आहे. यात १०० सीसी क्षमतेचं पेट्रोल इंजिन देण्यात आलं आहे. याची दिल्लीतली एक्स शोरूम किंमत ५३ हजार ६९६ रुपयांपासून सुरू होते. यात बजाजचं डीटीएस-आय इंजिन देण्यात आलं आहे.

कंपनीने केलेल्या दाव्यानुसार ही बाइक एक लीटर पेट्रोलमध्ये ९० किमीपर्यंत मायलेज देते. या यादीत एक मोपेडदेखील समाविष्ट आहे. टीव्हीएसची मोपेड एक्सएल १०० (XL 100) देखील चांगलं मायलेज देते. या मोपेडची किंमत ४३ हजार रुपये ते ५४ हजार रुपयांच्या दरम्यान आहे. ही मोपेड ६७ किमी प्रति लीटर इतकं मायलेज देते.

Comments are closed.