Take a fresh look at your lifestyle.

मुदत ठेवीकरिता ग्राहकांना आकर्षित करण्यासाठी बँकांमध्ये चढाओढ; व्याजदरात घसघशीत वाढ

0

ओटीटी न्यूज नेटवर्क

मुंबई : महागाईचा जोर कमी होत नसल्याने देशातील मध्यवर्ती बँक असलेल्या आरबीआयने विविध उपाययोजना केल्या आहे, यानुसार व्याजदरात तीन वेळा वाढ करण्यात आली आहे. सध्याही महागाई सतत डोके वर काढत असल्याने लवकरच आरबीआय व्याजदरात अजून वाढ करणार असल्याचे वृत्त आहे. परंतु इथे कर्ज मागणाऱ्यांमध्ये देखील वाढ झाल्याने मुदत ठेवींची संख्या वाढविण्यासाठी विविध बँकांमध्ये चढाओढ लागल्याचे चित्र सध्या निर्माण झाले आहे.

आंतरराष्ट्रीय बाजारात कच्च्या तेलाच्या किमतीत मोठी घट; भारतात मात्र दर स्थिर

दीर्घ काळाच्या मुदत ठेवींकरिता सहसा ग्राहक पुढे धजावत नाही याचे मुख्य कारण म्हणजे आर्थिक परिस्थितीच्या बदलांचा विपरीत परिणाम बँकांच्या व्याजदरांवर होणार अशी भीती ग्राहकांच्या मनात आहे. सध्याचे कर्जाचे व्याजदर बघता कर्ज घेण्यापेक्षा मुदत ठेवींमध्ये गुंतवणूक करणे फायद्याचे ठरणार आहे. याकरिता अनेक बँकांनी कंबर कसली असून फ्लेटिंग एफडीचा पर्याय देखील उपलब्ध करून दिला आहे. यामध्ये आरबीआयच्या रेपो दराप्रमाणे ठेवींवर व्याजदर देण्याची शाश्वती ग्राहकांना दिली जाते. सोबतच काही बँक एफडीवर १.६ टक्के व्याजदर जोडून देत आहे.

‘या’ दोघांना आंतरराष्ट्रीय आतंकवादी घोषित करा; भारत-फ्रान्सची युनोच्या सुरक्षा परिषदेकडे मागणी

ग्राहकांना बचत करण्यास प्रवृत्त करणे तसेच आकर्षक परतावा देण्याचा विचार देखील यामागे असून आर्थिक तज्ज्ञ गुंतवणूक करण्यावर विशेष भर देण्याचा सल्ला देत आहे. सध्या फ्लेटिंग एफडीचा मध्यम मार्ग सुलभ आहे ज्यामध्ये कुठल्याही कागदपत्रांशिवाय गुंतवणुकीचा पर्याय मिळतो, परंतु याची दुसरी बाजू बघता रेपो रेट कमी झाल्यास ग्राहकांना परतावा देखील कमी मिळणार आहे. यामुळे मुदत ठेवींबाबत ग्राहकांमध्ये संभ्रमाची स्थिती आहे.

असेच सुपरफास्ट अपडेट मिळवण्याकरिता या लिंकवर क्लिक करा

Leave A Reply

Your email address will not be published.