Take a fresh look at your lifestyle.

IPL 2022 : पराभवानंतरही दिसली महेंद्रसिंग धोनीची जादू, एका कृतीनं जिंकलं सर्वांचं मन!

ओटीटी न्यूज नेटवर्क

मुंबई : IPL 2022 मुंबई इंडियन्स (MI) विरूद्ध झालेल्या पराभवानंतर चेन्नई सुपर किंग्सचं (CSK) या आयपीएल सिझनमधील आव्हान संपुष्टात आलं आहे. गुरूवारी झालेल्या सामन्यात चेन्नईच्या बॅटर्सनी निराशा केली. त्यांची संपूर्ण टीम फक्त 97 रनवर ऑल आऊट झाली. 98 रनचं आव्हान मुंबईनं 5 विकेट्स आणि 31 बॉल राखत पूर्ण केलं. सीएसकेचा या सिझनमधील हा आठवा पराभव होता.

सोने आणि चांदीच्या दरात मोठी घसरण; जाणून घ्या आजचे दर

धोनीनं जिंकलं मन

चेन्नई सुपर किंग्सची पडझड होत असातानाही कॅप्टन महेंद्रसिंह धोनीनं (MS Dhoni) एक बाजू लावून धरत संघर्ष केला. धोनीनं 33 बॉलमध्ये नाबाद 36 रन केले. धोनीच्या या खेळीमुळेच चेन्नईला त्यांचा आयपीएल इतिहासातील सर्वात कमी स्कोअर पार करता आला. मॅचमध्ये मुंबई इंडियन्स विरूद्ध शेवटपर्यंत लढणाऱ्या धोनीनं मॅचनंतर त्यांचे खेळाडू तसंच सपोर्ट स्टाफचं मन जिंकलं.

IPL 2022 : वॉर्नरनं आऊट झाल्यानंतर दिली अंपायरला खुन्नस, पाहा 8 सेकंदांचा थरार! पाहा VIDEO

धोनीनं चेन्नई सुपर किंग्सची जर्सी त्याच्या स्वाक्षरीसह मुंबई इंडियन्सचे तरूण खेळाडू आणि सपोर्ट स्टाफमधील सदस्यांना दिली. त्यानं मुंबई इंडियन्सचा बॉलिंग कोच शेन बॉन्डलाही धोनीनं एक जर्सी भेट दिली. धोनीच्या या कृतीनं मुंबई इंडियन्सच्या खेळाडूसह सोशल मीडियावरही अनेकांचं मन जिंकलं आहे.

महेंद्रसिंह धोनीनं चेन्नईच्या पराभवानंतरही टीममधील तरूण फास्ट बॉलर्सचं कौतुक केलं. मुकेश चौधरी आणि सिमरजीत सिंग यांनी ‘पॉवर प्ले’ मध्ये 4 विकेट्स घेत मुंबई इंडियन्सला अडचणीत आणले होते. ‘कोणत्याही पिचवर 130 पेक्षा कमी रन वाचवणे हे अवघड असते. मी बॉलर्सना परिणामाचा विचार न करता सर्वोत्तम खेळ करण्याचा सल्ला दिला होता. दोन्ही तरूण फास्ट बॉलर्सनी चांगला खेळ केला. या प्रकारच्या खेळातूनच त्यांचा स्वत:वरील विश्वास वाढेल.

🔥आधार कार्ड हरवलं तरी टेन्शन नाही, मोबाईलमध्ये लगेच डाउनलोड करा MAadhaar App; मिळणार अनेक फायदे

आमच्याकडे यापूर्वी फास्ट बॉलर्सची बेंच स्ट्रेंथ कधीही नव्हती. तसंच फास्ट बॉलर्स परिपक्व होण्यास वेळ लागतो. तुम्ही नशिबवान असाल तरच सहा महिन्यामध्ये सर्व फॉर्मेट खेळेल असा बॉलर मिळतो. ते आता धाडसी बॉलिंग करत आहेत जे या प्रकारात आवश्यक आहे. आमच्याकडे दोन चांगले फास्ट बॉलर असणे ही सकारात्मक बाब आहे. त्याचबरोबर आमच्याकडे आणखी काही बॉलर आहेत. त्यांना तयार होण्यासाठी काही वेळ दिला पाहिजे.’ असे धोनीनं सांगितलं.

😍OnePlus Offers:आता बजेटची चिंता सोडा, केवळ अर्ध्या किमतीत खरेदी करा OnePlus चा ‘हा’ पॉवरफुल 5G स्मार्टफोन

Comments are closed.