Take a fresh look at your lifestyle.

सरकार कधी कोसळणार? आदित्य ठाकरेंनी सांगितला मुहूर्त

0

ओटीटी न्यूज नेटवर्क

सिल्लोड : कृषिमंत्री अब्दुल सत्तार यांच्या सिल्लोड मतदारसंघात शिवसेना नेते आदित्य ठाकरे आले होते. सिल्लोड येथे झालेल्या जाहीर सभेत आदित्य ठाकरे यांनी अब्दुल सत्तार यांच्यावर निशाणा साधला. अब्दुल सत्तार यांनी राष्ट्रवादीच्या नेत्या सुप्रिया सुळे यांच्याबद्दल वादग्रस्त विधान केले होते. आदित्य ठाकरे यांनीही सत्तार यांच्या वक्तव्याचा समाचार घेतला.

‘मी ज्या मतदारसंघातून आलो आहे त्या गद्दाराच्या मनात घाण आहे. गलिच्छ राजकारण सुरू आहे. गैरवर्तन करत आहेत. सुप्रियाताईंना काय बोलले ते बोलू नका, ते म्हणणे योग्य नाही. हा सत्तासंघर्ष आहे. सत्तार यांच्या मनात काळीज आहे. मंत्री होताच सत्तेची मस्ती उठली. टीईटी घोटाळा केला, शिक्षक भरतीमध्ये घोटाळा झाला,’ अशी टीका आदित्य ठाकरे यांनी केली.

काँग्रेसची ‘भारत जोडो यात्रा’ आज महाराष्ट्रात दाखल होणार; ‘हे’ मोठे नेते स्वागतासाठी उपस्थिती लावणार

ओला दुष्काळ कुठे आहे, हे त्यांचं वक्तव्य चुकीचं आहे. शेतकऱ्यांना एक रुपयाही मिळाला नाही. खोके सरकारचे कृषिमंत्री आहेत. प्राथमिक सर्वेक्षण झाले का? मतदारसंघात फिरलात का? पुणे-नाशिकमध्ये कृषिमंत्री कोण, हेच कळत नाही. मला छोटा पप्पू म्हणा, मला मान्य आहे, पण शेतकऱ्यांना मदत करा, मग मी पप्पू हे नाव स्वीकारतो,’ असे आदित्य ठाकरे म्हणाले.

सरकार कोसळणार

‘तुम्ही गद्दार आहात, हे सरकार दोन-तीन महिन्यांत कोसळणार आहे. मध्यावधी निवडणुका येत आहेत. हे गद्दार काय करत आहेत, याकडे आपण लक्ष ठेवले नाही. कोणत्याही स्त्रीला शिवीगाळ करा, अशी शिष्टाचार तुमच्या घरात असेल. या महाराष्ट्रात खरा मुख्यमंत्री कोण, हेच आम्हाला माहीत नाही, असा इशाराही आदित्य ठाकरेंनी दिला.

सुप्रिया सुळेंबद्दल आक्षेपार्ह वक्तव्याप्रकरणी अब्दुल सत्तार अडचणीत येण्याची शक्यता; राष्ट्रवादी आक्रमक

‘सगळं गुजरातला जात आहे. हा प्रकल्प गुजरातमध्ये गेला आहे, हे त्यांना माहीत नव्हते. जो प्रकल्प शंभर टक्के यायला हवा होता तो गेला ही खेदाची बाब आहे. उद्योगमंत्री कोणता कारभार चालवत आहेत, हेच आम्हाला माहीत नाही. उपमुख्यमंत्री शेंबडी पोरं म्हणतात, माझा बेरोजगार तरुण शेंबडी पोरं आहे का?’ असा सवाल आदित्य ठाकरे यांनी केला.

‘एका गद्दाराच्या राक्षसी महत्त्वाकांक्षेमुळे महाराष्ट्र मागे चालला. मी सरकारमध्ये असतो तर बाहेर पडलो असतो. देवेंद्र फडणवीस सराकरमध्ये का आहेत ते कळत नाही. जे वातावरण तयार केलं जात आहे, ते ठाकरे परिवाराला संपवण्यासाठी केलं जात आहे,’ असा आरोपही आदित्य ठाकरे यांनी केला.

असेच सुपरफास्ट अपडेट मिळवण्याकरिता या लिंकवर क्लिक करा

Leave A Reply

Your email address will not be published.